Kryeministri i Kosovës, Albin Kurti, në mbledhjen e 50-tën me radhë, të Këshillit të Përgjithshëm të Lëvizjes Vetëvendosje, e ka krahasuar aktivistin Astrit Deharin me aktivistin e çështjes kombëtare të Kosovës Adem Demaçin për nga rëndësia që kanë për LVV-në.
Kurti, ka vlerësuar se Astrit Dehari është viktimë e burgjeve të Kosovës së pavarur.
“E kam fjalën për Tribunin e çështjes shqiptare, viganin e rezistencës shqiptare në burgjet jugosllave e serbe, Adem Demaçin, dhe për shokun e aktivistin tonë të dashur, Astrit Deharin, viktimë e padrejtësisë kriminale në burgjet e Kosovës së pavarur”, ka thënë Kurti
Më tej ai ka theksuar se Demaçi dhe Dehari janë busulla e Lëvizjes Vetëvendosje.
“Nuk e humbim rrugën, për sa kohë që rruga jonë ndriçohet nga pishtarë si ata. Lavdi dhe nderim, për udhërrëfyesin kombëtar, Adem Demaçin. Kujtim dhe drejtësi, me çdo kusht e deri në fund, për shokun tonë, Astrit Deharin”, ka përfunduar Kurti./arbresh.info/
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite